24/11-26/11

24/11
開心的一天，昨天想了很多很多罵人的話或訓話，今天半嚴肅地同我班3D講一些肺腑之言，好開心，佢地竟然係有期望想我教授智識給他們，說真的，好感動，今日第一堂開始正式教授新智識，佢地好俾面咁唔太嘈和有問有答，Very Good~
落堂後仲有人問我點解唔做佢地班主任，點解剩係教兩星期而唔教耐D，雖然唔知佢地係咪講真，不過真係好開心~

25/11
電腦睇堂啦~ 忙忙忙~ 今日最後果堂先上電腦堂，教授來了......之後，當然一切順利，只不過是同平時差不多，做番自己，最後發覺原本拎Distinction都真係有D難度 ^.^ keke

26/11
到數學睇堂啦~ 忙忙忙again~ 不過有D失望，不過算了吧~ 之後盡力幫助我可愛的學生們吧! (+lesson plan and essay)

16-20,23/11

16-20/11

考試週，成個星期係咁幫手派卷，監考等等，發覺原來監考都有好多程序要做......學了很多。
比我發現原本好頑皮的學生們係考試期間都表現好好，好欣慰......

23/11

今日有2堂1小時的堂，第二堂上1A電腦堂感覺良好，不但只課程能跟上預期進度，學生們都好活躍而且唔係太嘈，都幾滿意^.^

之於第四堂數學堂原本諗住開新課教書，不過同supporting teacher discuss 完之後，都係決定派卷同對卷，我唔知佢地係興奮定係點，嘈到我接受唔到，未派卷之前仲可以control到，派完卷之後簡直係失控......How come! 話佢地又唔靜，罰佢地又唔驚......如果睇堂係咁，實肥硬啦......

實習感受(11/11-13/11)

11/11
第一日實習，無咩特別，反而覺得比平時更空閒，好多時間可以做備課的準備。可能因為之前幾日做了些準備，今日教Form 1 (1D)電腦堂都算ok, 只不過我太貪心了,在教案中的內容教唔晒,cut左D留番下堂教吧~ 學生比想像中好少少，唔叻，不過大部份都幾專心，算係咁啦。因為我係坐係圖書館房入面既，一放小息，房出面就傳出大量學生們的嘈吵聲與粗言穢語，好彩班F.1唔係咁姐。 我今日果堂有請到原任老師睇堂，好多謝佢俾左好多寶貴既意見我，佢亦都同我講左另外一班既學生會好動D，叫我可以再諗一諗對果班第一堂的教學內容，希望下一堂我會教得更加好啦！

12/11
今日係第2日實習，原本應該係冇堂既，不過我要求觀看將會教果班F.3數學的堂，因為下星期佢地將會考試，所以今天原任老師在果堂幫他們溫書，在堂上，我亦有幫手解答數位同學的問題，不過唔知道係咪有新老師的關係，果堂都幾嘈下，希望下一堂唔會啦~
而今日第1堂我亦都有幫手到禮堂派卷(因為中五考緊試)，我發覺原來我派卷真係幾慢@@

13/11
今日又係上F.3數學堂，但今日我有機會利用半堂時間同他們講解一份工作紙上的答案，我覺得頭果2~3條都講得唔錯既，但之後原任老師行出黎提我仲有10分鐘就落堂，提醒我盡快完全，所以我好似開turbo，好快咁講晒之後淨番既題目，所以後面部份我覺得講得好差，而且我發覺雖說大部份學生都好似接受到我既教學方式，但係有一位學生好似好不滿我，睇黎我都要想一想辦法睇下點樣解決依個問題啦，仲有就係依班成42個人，而大部份學生都幾好動，課堂管理果方面真係要諗一諗點處理，好彩下星期成個禮拜都係考試，我有充足的時間備課，加油啦！